Umgjörð og andrúm híbýla hefur mikil áhrif á einstaklinga og samfélagið í heild. Leiðarstef og grundvöllur verkefnisins Híbýlaauður eru því gæði íbúða og jákvæð áhrif þeirra á líðan og tengsl milli fólks. Híbýlaauður er einnig þverfaglegur hópur arkitekta, hönnuða, viðskipta- og verkfræðinga. Með rannsóknum, viðburðum og útgáfu á Híbýlaauður í samtali við almenning og ákvörðunarhafa um leiðir til að virkja mátt arkitektúrs, hönnunar og skipulags til þess að efla virkni og nærandi upplifun íbúa í daglegu lífi. Markmið Híbýlaauðs er undirbyggja samfélagslega fjárfestingu þar sem ábatinn er sameiginlegur og til langs tíma; híbýlaauður þeirra sem búa ekki síður en þeirra sem byggja.